1Current Verse · ప్రస్తుతం పారాయణ
medhā devī juṣamāṇā na āgād viśvācī bhadrā sumanasyamānā ।
tvayā juṣṭā juṣamāṇā duruktān bṛhadvadema vidathe suvīrāḥ ॥ 1 ॥
2
tvayā juṣṭa ṛṣīrbhavati devi tvayā brahmā''gataśrīruta tvayā ।
tvayā juṣṭaścitraṃ vindate vasu sā no juṣasva draviṇena medhe ॥ 2 ॥
3
medhāṃ ma indro dadātu medhāṃ devī sarasvatī ।
medhāṃ me aśvināvubhāvādhattāṃ puṣkarasrajau ॥ 3 ॥
4
apsarāsu ca yā medhā gandharveṣu ca yanmanaḥ ।
daivīṃ medhā sarasvatī sā māṃ medhā surabhirjuṣatām ॥ 4 ॥
5
ā māṃ medhā surabhirviśvarūpā hiraṇyavarṇā jagatī jagamyā ।
ūrjasvatī payasā pinvamānā sā māṃ medhā supratīkā juṣatām ॥ 5 ॥
6
mayi medhāṃ mayi prajāṃ mayyagnistejo dadhātu ।
mayi medhāṃ mayi prajāṃ mayīndra indriyaṃ dadhātu ।
mayi medhāṃ mayi prajāṃ mayi sūryo bhrājo dadhātu ॥ 6 ॥
