1Current Verse · ప్రస్తుతం పారాయణ
om̐ asya śrīkīlakamantrasya śiva ṛṣiḥ, anuṣṭup chandaḥ, śrīmahālakṣmīrdevatā, śrījagadambāprītyarthaṃ saptaśatīpāṭhāṅgatvene jape viniyogaḥ ॥
2
om̐ viśuddhajñānadehāya trivedīdivyacakṣuṣe ।
śreyaḥprāptinimittāya namaḥ somārdhadhāriṇe ॥ 2 ॥
3
sarvametadvijānīyānmantrāṇāmabhikīlakam ।
so'pi kṣemamavāpnoti satataṃ japyatatparaḥ ॥ 3 ॥
4
siddhyantyuccāṭanādīni vastūni sakalānyapi ।
etena stuvatāṃ devīṃ stotramātreṇa siddhyati ॥ 4 ॥
5
na mantro nauṣadhaṃ tatra na kiñcidapi vidyate ।
vinā jāpyena siddhyeta sarvamuccāṭanādikam ॥ 5 ॥
6
samagrāṇyapi siddhyanti lokaśaṅkāmimāṃ haraḥ ।
kṛtvā nimantrayāmāsa sarvamevamidaṃ śubham ॥ 6 ॥
7
stotraṃ vai caṇḍikāyāstu tacca guhyaṃ cakāra saḥ ।
samāpnoti sa puṇyena tāṃ yathāvannimantraṇām ॥ 7 ॥
8
so'pi kṣemamavāpnoti sarvameva na saṃśayaḥ ।
kṛṣṇāyāṃ vā caturdaśyāmaṣṭamyāṃ vā samāhitaḥ ॥ 8 ॥
9
dadāti pratigṛhṇāti nānyathaiṣā prasīdati ।
itthaṃ rūpeṇa kīlena kīlitaṃ tena kīlake ॥ 9 ॥
10
yo niṣkīlāṃ vidhāyaināṃ nityaṃ japati saṃhitām ।
sa siddhaḥ sa gaṇaḥ so'tha gandharvo jāyate dhruvam ॥ 10 ॥
11
na caivāpyaṭatastasya bhayaṃ kvāpīha jāyate ।
nāpamṛtyuvaśaṃ yāti mṛto mokṣamavāpnuyāt ॥ 11 ॥
12
jñātvā prārabhya kurvīta na kurvāṇo vinaśyati ।
tato jñātvaiva sampannamidaṃ prārabhyate budhaiḥ ॥ 12 ॥
13
saubhāgyādi ca yatkiñcid dṛśyate lalanājane ।
tatsarvaṃ tatprasādena tasmājjapyamidaṃ śubham ॥ 13 ॥
14
śanaistu japyamāne'smin stotre sampattiruccakaiḥ ।
bhavatyeva samagrāpi tataḥ prārabhyameva tat ॥ 14 ॥
15
aiśvaryaṃ yatprasādena saubhāgyārogyasampadaḥ ।
śatruhāniḥ paro mokṣaḥ stūyate sā na kiṃ janaiḥ ॥ 15 ॥
16
॥ iti śrīmārkaṇḍeyapurāṇe devīmāhātmye kīlakastotraṃ sampūrṇam ॥ om̐ tatsat ॥
