1Current Verse · ప్రస్తుతం పారాయణ
om̐ asya śrīcaṇḍīkavacasya brahmā ṛṣiḥ, anuṣṭup chandaḥ, cāmuṇḍā devatā, aṅganyāsoktamātaro bījam, digbandhadevatāstattvam, śrījagadambāprītyarthe saptaśatīpāṭhāṅgatvena jape viniyogaḥ ॥
2
om̐ namaścaṇḍikāyai ॥ mārkaṇḍeya uvāca -
yadaguhyaṃ paramaṃ loke sarvarakṣākaraṃ nṛṇām ।
yanna kasyacidākhyātaṃ tanme brūhi pitāmaha ॥ 2 ॥
3
brahmovāca -
asti guhyatamaṃ vipra sarvabhūtopakārakam ।
devyāstu kavacaṃ puṇyaṃ tacchṛṇuṣva mahāmune ॥ 3 ॥
4
prathamaṃ śailaputrī ca dvitīyaṃ brahmacāriṇī ।
tṛtīyaṃ candraghaṇṭeti kūṣmāṇḍeti caturthakam ॥ 4 ॥
5
pañcamaṃ skandamāteti ṣaṣṭhaṃ kātyāyanīti ca ।
saptamaṃ kālarātrīti mahāgaurīti cāṣṭamam ॥ 5 ॥
6
navamaṃ siddhidātrī ca navadurgāḥ prakīrtitāḥ ।
uktānyetāni nāmāni brahmaṇaiva mahātmanā ॥ 6 ॥
7
agninā dahyamānastu śatrumadhye gato raṇe ।
viṣame saṃkaṭe caiva bhayārtāḥ śaraṇaṃ gatāḥ ॥ 7 ॥
8
na teṣāṃ jāyate kiñcidaśubhaṃ raṇasaṃkaṭe ।
nāpadaṃ tasya paśyāmi śokaduḥkhabhayaṃ na hi ॥ 8 ॥
9
prācyāṃ rakṣatu māmaindrī āgneyyāmagnivedikā ।
dakṣiṇe'vatu vārāhī nairṛtyāṃ khaḍgadhāriṇī ॥ 9 ॥
10
pratīcyāṃ vāruṇī rakṣed vāyavyāṃ mṛgavāhinī ।
udīcyāṃ pātu kauberī īśānyāṃ śūladhāriṇī ॥ 10 ॥
11
ūrdhvaṃ brahmāṇi me rakṣed adhastād vaiṣṇavī tathā ।
evaṃ daśa diśo rakṣecchāmuṇḍā śavavāhanā ॥ 11 ॥
12
śikhāyāṃ me khaḍginī pātu śiro me pātu cakriṇī ।
bhālaṃ rakṣetsunetrā me netre pātu yaśasvinī ॥ 12 ॥
13
hṛdaye lalitā devī udaraṃ śūladhāriṇī ।
nābhau ca kāminī rakṣed guhyaṃ guhyeśvarī tathā ॥ 13 ॥
14
raktamajjāvasāmāṃsānyasthimedāṃsi pārvatī ।
antrāṇi kālarātriśca pittaṃ ca mukuṭeśvarī ॥ 14 ॥
15
prāṇāpānau tathā vyānamudānaṃ ca samānakam ।
vajrahastā ca me rakṣet prāṇaṃ kalyāṇaśobhanā ॥ 15 ॥
16
yaśca kiñcitkvacitsthānaṃ varjitaṃ kavacena tu ।
tatsarvaṃ rakṣa me devi jayantī pāpanāśinī ॥ 16 ॥
17
padamekaṃ na gacchettu yadīcchecchubhamātmanaḥ ।
kavacenāvṛto nityaṃ yatra yatraiva gacchati ॥ 17 ॥
18
tatra tatrārthalābhaśca vijayaḥ sārvakāmikaḥ ।
yaṃ yaṃ cintayate kāmaṃ taṃ taṃ prāpnoti niścitam ॥ 18 ॥
19
paramaiśvaryamatulaṃ prāpsyate bhūtale pumān ।
nirbhayo jāyate martyaḥ saṅgrāmeṣvaparājitaḥ ॥ 19 ॥
20
trailokye tu bhavetpūjyaḥ kavacenāvṛtaḥ pumān ।
idaṃ tu devyāḥ kavacaṃ devānāmapi durlabham ॥ 20 ॥
21
yaḥ paṭhetprayato nityaṃ trisandhyaṃ śraddhayānvitaḥ ।
daivī kalā bhavettasya trailokyeṣvaparājitaḥ ॥ 21 ॥
jīvedvarṣaśataṃ sāgramapamṛtyuvivarjitaḥ ।
naśyanti vyādhayaḥ sarve lūtāvisphoṭakādayaḥ ॥ 22 ॥
22
॥ iti śrīmārkaṇḍeyapurāṇe hariharabrahmaviracitaṃ devyāḥ kavacaṃ sampūrṇam ॥ om̐ tatsat ॥
