1Current Verse · ప్రస్తుతం పారాయణ
ayi girinandini nanditamedini viśvavinodini nandasute
girivaravindhyaśiro'dhinivāsini viṣṇuvilāsini jiṣṇunute ।
bhagavati he śitikaṇṭhakuṭumbini bhūrikuṭumbini bhūrikṛte
jaya jaya he mahiṣāsuramardini ramyakapardini śailasute ॥ 1 ॥
2
suravaravarṣiṇi durdharadharṣiṇi durmukhamarṣiṇi harṣarate
tribhuvanapoṣiṇi śaṅkaratoṣiṇi kilbiṣamoṣiṇi ghoṣarate ।
danujanikoṣiṇī durmadaśoṣiṇī durgatitoṣiṇī dānavarate
jaya jaya he mahiṣāsuramardini ramyakapardini śailasute ॥ 2 ॥
3
ayi jagadamba madamba kadambavanapriyavāsini hāsarate
śikhariśiromaṇituṅgahimālayaśṛṅGloberate ।
madhumadhure madhumoditacitte
jaya jaya he mahiṣāsuramardini ramyakapardini śailasute ॥ 3 ॥
4
ayi śatakhaṇḍavikhaṇḍitaruṇḍavituṇḍitaśuṇḍagajādhipate
ripugajagaṇḍavidāraṇacaṇḍaparākramaśauṇḍamṛgādhipate ।
nijabhujadaṇḍanipātitakhaṇḍavipātitamuṇḍabhaṭādhipate
jaya jaya he mahiṣāsuramardini ramyakapardini śailasute ॥ 4 ॥
5
ayi raṇadurmadaśatruvadhoditadurdharanirjaraśaktibhṛte
caturavicāradhurīṇamahāśivadūtakṛtapramathādhipate ।
duritadurīhadurāśayadurmatidānavadūtakṛtāntamate
jaya jaya he mahiṣāsuramardini ramyakapardini śailasute ॥ 5 ॥
6
ayi śaraṇāgatavairivadhuvaravīravarābhayadāyade
tribhuvanamastakaśūlavirodhidhurodaraśūlikṛte ।
dumidumitāmaradundubhinādamaharmukharāntaranādarate
jaya jaya he mahiṣāsuramardini ramyakapardini śailasute ॥ 6 ॥
7
ayi nijahuṅkṛtimātranirākṛtadhūmravilocanadhūmraśate
samaraviśoṣitaśoṇitabījasamudbhavabījalate ।
śivaśivaśumbhaniśumbhamahāhavatarpitabhūtapiśācarate
jaya jaya he mahiṣāsuramardini ramyakapardini śailasute ॥ 7 ॥
8
dhanuranusaṅgaraṇakṣaṇasaṅgaparisphuradaṅganaṭatkaṭake
kanakapiśaṅgapṛṣatkaniṣaṅgavasadbhaṭaśṛṅgahate ।
kṛtacaturaṅgabalakṣitiraṅgaghaṭadbahuraṅgaraṭadbaṭuke
jaya jaya he mahiṣāsuramardini ramyakapardini śailasute ॥ 8 ॥
9
suralalanā tatatheyi tatheyi kṛtābhinayodaranṛtyapade
kṛtukukuthā kukutho gadadādikatālakutūhalagānarate ।
dhudhukuṭadhukkuṭadhindhimitadhvanidhīramṛdaṅganinādarate
jaya jaya he mahiṣāsuramardini ramyakapardini śailasute ॥ 9 ॥
10
jaya jaya japyajaye jayaśabdaparastutitatparaviśvanute
jhaṇajhaṇajhiñjhimijhiṅkṛtanūpuraśiñjitamohitabhūtapate ।
naṭitanaṭārdhanaṭīnaṭanāṭyanaṭīnaṭanāṭakanāṭyarate
jaya jaya he mahiṣāsuramardini ramyakapardini śailasute ॥ 10 ॥
11
ayi sumanaḥsumanaḥsumanaḥsumanaḥsumanoharakāntiyute
śritarajanīrajanīrajanīrajanīrajanīkaravaktravṛte ।
sunayanavibhramarabhramarabhramarabhramarabhramarādhipate
jaya jaya he mahiṣāsuramardini ramyakapardini śailasute ॥ 11 ॥
12
sahitamahāhavamallamatallikamallitarallakamallarate
viracitavallikapallikamallikajhillikamallikavargavṛte ।
śitakṛtaphullasamullasitāruṇatallajapallavapādayuge
jaya jaya he mahiṣāsuramardini ramyakapardini śailasute ॥ 12 ॥
13
aviralagaṇḍagalattanmeduramattamataṅgajarājapate
tribhuvanabhūṣaṇabhūtakalānidhirūpapayonidhirājasute ।
ayi sudatījanalālasamānasamohanamanmatharājasute
jaya jaya he mahiṣāsuramardini ramyakapardini śailasute ॥ 13 ॥
14
kamaladalāmalakomalakāntikalākalitāmalabhālalate
sakalavilāsakalānilayakramakelicalatkalahaṃsakule ।
alikulasaṅkulakuvalayamaṇḍalasulalakeśakalāpabhare
jaya jaya he mahiṣāsuramardini ramyakapardini śailasute ॥ 14 ॥
15
karamuralīravavījitakūjitakokilamañjumate
militapulindamanoharaguñjitarañjitaśailanikuñjagate ।
nijaguṇabhūtamanojñabhavattanukāntitiraskṛtaśakranute
jaya jaya he mahiṣāsuramardini ramyakapardini śailasute ॥ 15 ॥
16
kaṭitaṭapītadukūlavicitramayūkhatiraskṛtacandraruce
praṇatasurāsuramaulimaṇisphuradaṃśulasannakhacandraruce ।
jitakanakācalamaulisadorjitanirbharakuñjarakumbhakuce
jaya jaya he mahiṣāsuramardini ramyakapardini śailasute ॥ 16 ॥
17
vijitasahasrakaraikasahasrakaraikasahasrakaraikanute
kṛtasuratārakasaṅgaratārakasaṅgaratārakasūnunute ।
surathasamādhisamānasamādhisamādhisamādhisujātarate
jaya jaya he mahiṣāsuramardini ramyakapardini śailasute ॥ 17 ॥
18
padakamalaṃ karuṇānilaye varivasyati yo'nudinaṃ suśive
ayi kamale kamalānilaye kamalānilayaḥ sa kathaṃ na bhavet ।
tava padameva parampadamityanuśīlayato mama kiṃ na śive
jaya jaya he mahiṣāsuramardini ramyakapardini śailasute ॥ 18 ॥
19
kanakalasatkalasindhujalairanuṣiñcati te guṇaraṅgabhuvam
bhajati sa kiṃ na śacīkucakumbhataṭīparirambhasukham ।
tava caraṇaṃ śaraṇaṃ karavāṇi natāmaravāṇinivāsapade
jaya jaya he mahiṣāsuramardini ramyakapardini śailasute ॥ 19 ॥
20
tava vimalendukulaṃ vadanendumalaṃ sakalaṃ nanu kūlayate
kimu puruhūtapurīndumukhīsumukhībhirasau vimukhīkriyate ।
mama tu mataṃ śivanāmadhane bhavatī kṛpayā kimu na kriyate
jaya jaya he mahiṣāsuramardini ramyakapardini śailasute ॥ 20 ॥
21
ayi mayi dīnadayāḷutayā kṛpayaiva tvayā bhavitavyamume
ayi jagato jananī kṛpayāsi yathāsi tathānumitāsi rate ।
yadabhirataṃ mama taccaraṇe śaraṇe sukṛte susamīkṣya kuru
jaya jaya he mahiṣāsuramardini ramyakapardini śailasute ॥ 21 ॥
॥ iti śrīmahiṣāsuramardinistotraṃ sampūrṇam ॥
