1Current Verse · ప్రస్తుతం పారాయణ
namaste devi gāyatri sāmātre brahmarūpiṇi ।
prasīda jagatāndhātri vedagarbhe namo'stu te ॥ 1 ॥
2
tvameva sandhyā gāyatrī sāvitrī ca sarasvatī ।
brāhmī vaiṣṇavī candrā ca māheśvarī tathā śivā ॥ 2 ॥
3
raktavarṇā mahātejā brāhmī haṃsasamāśritā ।
gadādharā cakradharā vaiṣṇavī garuḍāsanā ॥ 3 ॥
4
śvetavarṇā śubhākārā vṛṣabhāsanasaṃsthitā ।
māheśvarī triśūlahastā sāyaṃsandhyāsvarūpiṇī ॥ 4 ॥
5
sūryamaṇḍalasaṃsthā ca sūryakoṭisamaprabhā ।
gāyatrī sarvabhūtānāṃ hṛtpadmeṣu vyavasthitā ॥ 5 ॥
6
praṇavapratipādyāsi vyāhṛtīnāṃ ca janmabhūḥ ।
dhīmahīti ca yadrūpaṃ tanme pālaya sarvadā ॥ 6 ॥
7
dhīyo yo naḥ pracodayāt iti rūpeṇa saṃsthitā ।
buddhiṃ vidyāṃ śriyaṃ prajñāṃ dehi me varade śive ॥ 7 ॥
8
idaṃ stotraṃ mahāpuṇyaṃ sandhyākāle paṭhettu yaḥ ।
sarvapāpavinirmukto brahmaloke mahīyate ॥ 8 ॥
॥ iti śrīmaddevībhāgavatoktaṃ śrīgāyatrīstotraṃ sampūrṇam ॥
