1Current Verse · ప్రస్తుతం పారాయణ
om̐ asya śrīargalāstotramantrasya viṣṇuṛṣiḥ, anuṣṭup chandaḥ, śrīmahālakṣmīrdevatā, śrījagadambāprītaye jape viniyogaḥ ॥
2
jayantī maṅgalā kālī bhadrakālī kapālinī ।
durgā kṣamā śivā dhātrī svāhā svadhā namo'stu te ॥ 2 ॥
3
jaya tvaṃ devi cāmuṇḍe jaya bhūtārtihāriṇi ।
jaya sarvagate devi kālarātri namo'stu te ॥ 3 ॥
4
madhukaiṭabhavidrāvi vidhātṛvarade namaḥ ।
rūpaṃ dehi jayaṃ dehi yaśo dehi dviṣo jahi ॥ 4 ॥
5
mahiṣāsuranirmāśi bhaktānāṃ sukhade namaḥ ।
rūpaṃ dehi jayaṃ dehi yaśo dehi dviṣo jahi ॥ 5 ॥
6
raktabījavadhe devi caṇḍamuṇḍavināśini ।
rūpaṃ dehi jayaṃ dehi yaśo dehi dviṣo jahi ॥ 6 ॥
7
śumbhasyaiva niśumbhasya dhūmrākṣasya ca mardini ।
rūpaṃ dehi jayaṃ dehi yaśo dehi dviṣo jahi ॥ 7 ॥
8
vanditāṅghriyuge devi sarvasaubhāgyadāyini ।
rūpaṃ dehi jayaṃ dehi yaśo dehi dviṣo jahi ॥ 8 ॥
9
acintyarūpacarite sarvaśatruvināśini ।
rūpaṃ dehi jayaṃ dehi yaśo dehi dviṣo jahi ॥ 9 ॥
10
natebhyaḥ sarvadā bhaktyā caṇḍike duritāpahe ।
rūpaṃ dehi jayaṃ dehi yaśo dehi dviṣo jahi ॥ 10 ॥
11
stuvadbhyo bhaktipūrvaṃ tvāṃ caṇḍike vyādhināśini ।
rūpaṃ dehi jayaṃ dehi yaśo dehi dviṣo jahi ॥ 11 ॥
12
caṇḍike satataṃ ye tvāmarcayantīha bhaktitaḥ ।
rūpaṃ dehi jayaṃ dehi yaśo dehi dviṣo jahi ॥ 12 ॥
13
dehi saubhāgyamārogyaṃ dehi me paramaṃ sukham ।
rūpaṃ dehi jayaṃ dehi yaśo dehi dviṣo jahi ॥ 13 ॥
14
vidhehi dviṣatāṃ nāśaṃ vidhehi balamuccakaiḥ ।
rūpaṃ dehi jayaṃ dehi yaśo dehi dviṣo jahi ॥ 14 ॥
15
vidhehi devi kalyāṇaṃ vidhehi paramāṃ śriyam ।
rūpaṃ dehi jayaṃ dehi yaśo dehi dviṣo jahi ॥ 15 ॥
16
surāsuraśiroratnanighṛṣṭacaraṇe'mbike ।
rūpaṃ dehi jayaṃ dehi yaśo dehi dviṣo jahi ॥ 16 ॥
17
vidyāvantaṃ yaśasvantaṃ lakṣmīvantaṃ janaṃ kuru ।
rūpaṃ dehi jayaṃ dehi yaśo dehi dviṣo jahi ॥ 17 ॥
18
pracaṇḍadaityadarpaghne caṇḍike praṇatāya me ।
rūpaṃ dehi jayaṃ dehi yaśo dehi dviṣo jahi ॥ 18 ॥
19
caturbhuje caturvaktrasaṃstute parameśvari ।
rūpaṃ dehi jayaṃ dehi yaśo dehi dviṣo jahi ॥ 19 ॥
20
kṛṣṇena saṃstute devi śaśvadbhaktyā sadāmbike ।
rūpaṃ dehi jayaṃ dehi yaśo dehi dviṣo jahi ॥ 20 ॥
21
natāṅgi stutavadvandye devi sarvasukhaprade ।
rūpaṃ dehi jayaṃ dehi yaśo dehi dviṣo jahi ॥ 21 ॥
22
bhāryāṃ manoramāṃ dehi manovṛttānusāriṇīm ।
tāriṇīṃ durgasaṃsārasāgarasya kulodbhavām ॥ 22 ॥
23
idaṃ stotraṃ paṭhitvā tu mahāstotraṃ paṭhennaraḥ ।
sa tu saptaśatīsaṃkhyāvaramāpnoti durlabham ॥ 23 ॥
24
॥ iti śrīmārkaṇḍeyapurāṇe devīmāhātmye argalāstotraṃ sampūrṇam ॥
