1Current Verse · ప్రస్తుతం పారాయణ
nṛsiṃhakavacaṃ vakṣye prahlādenoditaṃ purā ।
sarvarakṣākaraṃ puṇyaṃ sarvopadravanāśanam ॥ 1 ॥
2
sarvasampatkaraṃ caiva svargamokṣapradāyakam ।
dhyātvā nṛsiṃhaṃ deveśaṃ hemasiṃhāsanasthitam ॥ 2 ॥
3
vivṛtāsyaṃ trinayanaṃ śaradindusamaprabham ।
lakṣmyāliṅgitavāmāṅgaṃ vibhūtibhirupāśritam ॥ 3 ॥
4
nṛsiṃho me śiraḥ pātu lokarakṣātmasambhavaḥ ।
sarvago'pi stambhavāsaḥ phālaṃ me rakṣatu dhvaniḥ ॥ 4 ॥
5
netre me sūryacandrāgnilocano rakṣatānnṛpaḥ ।
smṛtiṃ me pātu nṛharirmunidāridryakhaṇḍanaḥ ॥ 5 ॥
6
ghrāṇaṃ me pātu ghorasyo mukhaṃ lakṣmīmukhapriyaḥ ।
jihvāṃ me pātu vāgdevī kaṇṭhaṃ me pātu kuṇḍalī ॥ 6 ॥
7
hṛdayaṃ me nṛsiṃhastu madhyaṃ pātu hiraṇyahā ।
nābhiṃ me pātu nṛhariḥ kaṭiṃ pātu jagatpatiḥ ॥ 7 ॥
8
guhyaṃ me pātu guhyātmā jānunī narakesarī ।
jaṅghe pātu mahāvīro pādau me pātu pāpahṛt ॥ 8 ॥
9
bhūtāni pretavetālā dānavā yakṣarākṣasāḥ ।
drāvante vidrutā bhītā nṛsiṃhasmaraṇātpunaḥ ॥ 9 ॥
10
iti śrībrahmāṇḍapurāṇe prahlādoktaṃ śrīnṛsiṃhakavacaṃ sampūrṇam ॥ om̐ namo bhagavate narasiṃhāya ॥
