1Current Verse · ప్రస్తుతం పారాయణ
ghuṣyate yasya nagare raṅgayātrā dine dine ।
tamahaṃ śirasā vande rājānaṃ kulaśekharam ॥ 1 ॥
2
jayatu jayatu devo devakīnandano'yaṃ
jayatu jayatu kṛṣṇo vṛṣṇivaṃśapradīpaḥ ।
jayatu jayatu meghaśyāmalo komalāṅgo
jayatu jayatu pṛthvībhāranāśī mukundaḥ ॥ 2 ॥
3
mukunda mūrdhnā praṇipatya yāce
bhavantamekāntamiyantamartham ।
avismṛtistvaccaraṇāravinde
bhave bhave me'stu bhavatprasādāt ॥ 3 ॥
4
nāhaṃ vande tava caraṇayordvandvamadvandvahetoḥ
kumbhīpākaṃ gurumapi hare nārakaṃ nāpanetum ।
ramyārāmā mṛdutanumṛgīgātrikāstvatsmaraṇe
citte na syānnibiḍavibhavaṃ nāpi yāce matiṃ te ॥ 4 ॥
5
sarasijanayane saśaṅkhacakre
murabhidi mā viramasva citta rantum ।
sukhataramaparaṃ na jātu jāne
haricaraṇasmaraṇāmṛtena tulyam ॥ 5 ॥
6
mā drākṣaṃ kṣīṇapuṇyān kṣaṇamapi bhavato bhaktihīnān padābje
mā śrauṣaṃ śrāvyabandhaṃ tava caritamapāsyānyadākhyānajātam ।
mā smārṣaṃ mādhava tvāmapi bhuvanapate cetasāpahnuvānān
mā bhūvaṃ tvatsaparyāvyatikararahito janmajanmāntare'pi ॥ 6 ॥
7
jihve kīrtaya keśavaṃ muraripuṃ ceto bhaja śrīdharaṃ
pāṇidvandva samarcayācyutakathāḥ śrotradvaya tvaṃ śṛṇu ।
kṛṣṇaṃ lokaya locanadvaya harergacchāṅghriyugmālayaṃ
jighra ghrāṇa mukundapādatulasīṃ mūrdhan namādhokṣajam ॥ 7 ॥
8
he lokāḥ śṛṇuta prasūtimaraṇavyādheścikitsāṃ parāṃ
yogajñāḥ samudāharanti yatayo yāṃ śaunakādyāḥ pare ।
govindeti paraṃ pavitramamṛtaṃ viṣṇoḥ paraṃ dhāma tat
pīyatāṃ pīyatāṃ nityaṃ kimarthaṃ duḥkhasāgare ॥ 8 ॥
9
śatrucchedaikamantraṃ sakalamupaniṣadvākyasampūjyamantraṃ
saṃsārottāramantraṃ samupacitatamaḥsaṅghaniryāṇamantram ।
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīkṛṣṇamantraṃ japa japa satataṃ janmasāphalyamantram ॥ 9 ॥
10
kṛṣṇa tvadīyapadapaṅkajapañjarānte
adyaiva me viśatu mānasarājahaṃsaḥ ।
prāṇaprayāṇasamaye kaphavātapittaiḥ
kaṇṭhāvarodhanavidhau smaraṇaṃ kutaste ॥ 10 ॥
॥ iti śrīkulaśekharaviracitā mukundamālā sampūrṇā ॥
