1Current Verse · ప్రస్తుతం పారాయణ
vasudevasutaṃ devaṃ kaṃsacāṇūramardanam ।
devakīparamānandaṃ kṛṣṇaṃ vande jagadgurum ॥ 1 ॥
2
atasīpuṣpasaṅkāśaṃ hāranūpuraśobhitam ।
ratnakaṅkaṇakeyūraṃ kṛṣṇaṃ vande jagadgurum ॥ 2 ॥
3
kuṭilālakasaṃyuktaṃ pūrṇacandranibhānanam ।
vilasatkuṇḍalaṃ devaṃ kṛṣṇaṃ vande jagadgurum ॥ 3 ॥
4
mandāragandhasaṃyuktaṃ cāruhāsaṃ caturbhujam ।
barhipiñchāvataṃsaṃ ca kṛṣṇaṃ vande jagadgurum ॥ 4 ॥
5
utphullapadmapatrākṣaṃ nīlajīmūtasannibham ।
yādavānāṃ śiroratnaṃ kṛṣṇaṃ vande jagadgurum ॥ 5 ॥
6
rukmiṇīkelisaṃyuktaṃ pītāmbarasuśobhitam ।
avāptatulasīgandhaṃ kṛṣṇaṃ vande jagadgurum ॥ 6 ॥
7
gopikānāṃ kucadvandvakuṅkumāṅkitavakṣasam ।
śrīniketaṃ maheṣvāsaṃ kṛṣṇaṃ vande jagadgurum ॥ 7 ॥
8
śrīvatsāṅkaṃ mahoraskaṃ vanamālāvirājitam ।
śaṅkhacakradharaṃ devaṃ kṛṣṇaṃ vande jagadgurum ॥ 8 ॥
9
kṛṣṇāṣṭakamidaṃ puṇyaṃ prātarutthāya yaḥ paṭhet ।
koṭijanmakṛtaṃ pāpaṃ smaraṇena vinaśyati ॥ 9 ॥
॥ iti śrīmacchaṅkarācāryaviracitaṃ śrīkṛṣṇāṣṭakaṃ sampūrṇam ॥
