1Current Verse · ప్రస్తుతం పారాయణ
śrīmatpayonidhiniketana cakrapāṇe
bhogīndrabhogamaṇirañjitapuṇyamūrte ।
yogīśa śāśvata śaraṇya bhavābdhipota
lakṣmīnṛsiṃha mama dehi karāvalambam ॥ 1 ॥
2
brahmendrarudramarudarkakirīṭakoṭi-
saṅghaṭṭitāṅghrikamalāmalakāntikānta ।
lakṣmīlasatkucasaroruharājahaṃsa
lakṣmīnṛsiṃha mama dehi karāvalambam ॥ 2 ॥
3
saṃsāradāvadahanāturabhīkaroru-
jvālābhiplaṣṭatanumūrdharuhodaraṃ mām ।
tvatpādapadmasarasīruhamanjubhāji
lakṣmīnṛsiṃha mama dehi karāvalambam ॥ 3 ॥
4
saṃsāravṛkṣamaghabījamanantakarma-
śākhāśataṃ karaṇapatramanaṅgapuṣpam ।
āruhya duḥkhaphalinaṃ patato dayālo
lakṣmīnṛsiṃha mama dehi karāvalambam ॥ 4 ॥
5
saṃsārasarpaviṣadigdhamahogratīvra-
daṃṣṭrākarālaviṣadaṣṭavinaṣṭaceṣṭam ।
gāndharvarājagaruḍadhvaja divyamūrte
lakṣmīnṛsiṃha mama dehi karāvalambam ॥ 5 ॥
6
saṃsāraghoragahane carato murāre
mārograbhīkaramṛgapracurārditasya ।
ārtasya matsaranidāghanipīḍitasya
lakṣmīnṛsiṃha mama dehi karāvalambam ॥ 6 ॥
7
saṃsārakūpamatighoramagādhamūlaṃ
samprāpya duḥkhaśatapaṅkamanugramagnam ।
kaścinna trātā jagatyaparaṃ mamāsti
lakṣmīnṛsiṃha mama dehi karāvalambam ॥ 7 ॥
8
andhasya me hṛtavivekamahādhanasya
corairmahābalibhirindriyanāmadheyaiḥ ।
mohāndhakūpakuhare vinipātitasya
lakṣmīnṛsiṃha mama dehi karāvalambam ॥ 8 ॥
9
prahlādanāradaparāśarapuṇḍarīka-
vyāsādibhāgavatapuṅgavahṛnnivāsa ।
bhaktānurakta paripālaya māṃ śaraṇya
lakṣmīnṛsiṃha mama dehi karāvalambam ॥ 9 ॥
10
lakṣmīnṛsiṃhacaraṇābjamadhuvratena
stotraṃ kṛtaṃ śubhakaraṃ bhuvi śaṅkareṇa ।
ye mānavāḥ paṭhanti nirastapāpā-
ste yānti viṣṇupadamamalamanantasaukhyam ॥ 10 ॥
॥ iti śrīmacchaṅkarācāryaviracitaṃ śrīmallakṣmīnṛsiṃhakarāvalambastotraṃ sampūrṇam ॥
