1Current Verse · ప్రస్తుతం పారాయణ
namaḥ śivābhyāṃ navayauvanābhyāṃ parasparāśliṣṭavapurdharābhyām ।
nāgendrakanyāvṛṣaketanābhyāṃ namo namaḥ śaṅkarapārvatībhyām ॥ 1 ॥
2
namaḥ śivābhyāṃ sarasotsavābhyāṃ namaskṛtābhīṣṭavarapradābhyām ।
nārāyaṇenārcitapādukābhyāṃ namo namaḥ śaṅkarapārvatībhyām ॥ 2 ॥
3
namaḥ śivābhyāṃ vṛṣavāhanābhyāṃ viriñciviṣṇvindrasupūjitābhyām ।
vilokanaprīṣṭaphalapradābhyāṃ namo namaḥ śaṅkarapārvatībhyām ॥ 3 ॥
4
namaḥ śivābhyāṃ śaśimoḷikābhyāṃ sarveśvarārabdhasusādhakābhyām ।
surāsurābhyāṃ paripūjitābhyāṃ namo namaḥ śaṅkarapārvatībhyām ॥ 4 ॥
5
namaḥ śivābhyāṃ jagadīśvarābhyāṃ jagatpatībhyāṃ jayadāyakābhyām ।
janāśritābhīṣṭavarapradābhyāṃ namo namaḥ śaṅkarapārvatībhyām ॥ 5 ॥
6
namaḥ śivābhyāṃ paramauṣadhābhyāṃ pañcākṣarīmantrasusaṃsthitābhyām ।
prapannalokārtivināśakābhyāṃ namo namaḥ śaṅkarapārvatībhyām ॥ 6 ॥
7
namaḥ śivābhyāṃ varadāyakābhyāṃ vāgīśvarīvākpativanditābhyām ।
vijñānadānapraṇatāśritābhyāṃ namo namaḥ śaṅkarapārvatībhyām ॥ 7 ॥
8
stotraṃ trisandhyaṃ śivapārvatībhyāṃ bhaktyā paṭhed yaḥ satataṃ manuṣyaḥ ।
sa sarvasaubhāgyasamanvitaḥ san śivaṃ samabhyeti śivaprasādāt ॥ 8 ॥
