1Current Verse · ప్రస్తుతం పారాయణ
anantasaṃsārasamudratāranaukāyitābhyāṃ gurubhaktidābhyām ।
vairāgyasāmrājyadapūjanābhyāṃ namo namaḥ śrīgurupādukābhyām ॥ 1 ॥
2
kavitvavārāśiniśākarābhyāṃ daurbhāgyadāvāmbudamālikāyai ।
dūrīkṛtānamravipattatibhyāṃ namo namaḥ śrīgurupādukābhyām ॥ 2 ॥
3
natā yayoḥ śrīpatitāṃ samīyuḥ kadācidapyaśu daridravaryāḥ ।
mūkāśrca vāgīśasamatvamīyuḥ namo namaḥ śrīgurupādukābhyām ॥ 3 ॥
4
nālīkanīkāśapadāhṛtābhyāṃ nānāvimohādinivārikābhyām ।
namajjanābhīṣṭatatipradābhyāṃ namo namaḥ śrīgurupādukābhyām ॥ 4 ॥
5
nṛpālamaulisthalaratnakāntisaridvirājajjhaṣakanyakābhyām ।
nṛpatvadābhyāṃ natalokapaṅkteḥ namo namaḥ śrīgurupādukābhyām ॥ 5 ॥
6
pāpāndhakārārkaparamparābhyāṃ tāpatrayānivārikābhyām ।
kāmādisarpavrajagāruḍābhyāṃ namo namaḥ śrīgurupādukābhyām ॥ 6 ॥
7
śāntyādiṣaṭkapradavaibhavābhyāṃ samādhidānavratadīkṣitābhyām ।
ramādhavāṅghristhitirasthirābhyāṃ namo namaḥ śrīgurupādukābhyām ॥ 7 ॥
8
svārcāparāṇāmakhileṣṭadābhyāṃ svāhāsahāyākṣadhurandharābhyām ।
svāntecchabhāvapradapūjanābhyāṃ namo namaḥ śrīgurupādukābhyām ॥ 8 ॥
9
kāmādidāpahvaratārakābhyāṃ grāhyābhirūpavratadīkṣitābhyām ।
sadānatābhīṣṭaphalapradābhyāṃ namo namaḥ śrīgurupādukābhyām ॥ 9 ॥
॥ iti śrīmacchaṅkarācāryaviracitaṃ śrīgurupādukāstotraṃ sampūrṇam ॥
