1Current Verse · ప్రస్తుతం పారాయణ
he svāminātha karuṇākara dīnabandho
śrīpārvatīśamukhapaṅkajapadmabandho ।
deveśamukhyanatavārijapādapadma
he svāminātha mama dehi karāvalambam ॥ 1 ॥
2
devādidevasuta devagaṇārcitāṅghre
devendravandya mṛdupādapayojamañju ।
mandārapuṣpacayaśobhitadivyamūrte
he svāminātha mama dehi karāvalambam ॥ 2 ॥
3
bhaktāpavargavaradāya supuṇyamūrte
phullāmbujākṣa rucirāṅghrisarojayugma ।
tārārināśana mahādbhutavīryasindho
he svāminātha mama dehi karāvalambam ॥ 3 ॥
4
krauñcādribhedanakarāñcitaśaktihasta
ṣaṭkoṭikāntimaṇibhūṣaṇabhūṣitāṅga ।
gaṅgāsutāmṛtamayoditaśāntamūrte
he svāminātha mama dehi karāvalambam ॥ 4 ॥
5
mayūravāha munimānasarājahaṃsa
tāreśakoṭisamasundarakāntimūrte ।
kāruṇyasindhu śaraṇāgatavatsala tvaṃ
he svāminātha mama dehi karāvalambam ॥ 5 ॥
6
saṃsāraghoragahane carato mamāndha-
tāmisraduḥkhaśatasaṅkulamagnacittam ।
tvatpādapadmayugalaṃ śaraṇaṃ prapadye
he svāminātha mama dehi karāvalambam ॥ 6 ॥
7
jāḍyāndhakāraharaṇākhilaśāstravettā
vidyādharoditasulakṣaṇalakṣitāṅga ।
sadbuddhidānaniratākhilalokanātha
he svāminātha mama dehi karāvalambam ॥ 7 ॥
8
brahmasvarūpa paramākṣara mukhyarūpa
vedāntavedya varadānaparāyaṇeśa ।
vallīśa śaṅkarasuta pramathādhinātha
he svāminātha mama dehi karāvalambam ॥ 8 ॥
9
subrahmaṇyāṣṭakaṃ puṇyaṃ ye paṭhanti dvijātayaḥ ।
te sarve muktimāyānti subrahmaṇyaprasādataḥ ॥ 9 ॥
॥ iti śrīmacchaṅkarācāryaviracitaṃ śrīsubrahmaṇyāṣṭakaṃ sampūrṇam ॥
