1Current Verse · ప్రస్తుతం పారాయణ
ādau karmaprasaṅgāt kalayati kaluṣaṃ mātṛkukṣau sthitaṃ māṃ
viṇmūtrāmedhyamadhye kvathayati nitarāṃ jāṭharo dahyamānaḥ ।
yadyatsantāpaleśaṃ na gaṇayati janaḥ svātmanā veda duḥkhaṃ
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 1 ॥
2
bālye duḥkhātireko malalulitavapuḥ stanyapāne pipāsā
no śaktaścendriyebhyo bhavaguṇajanitā jantavo māṃ tudanti ।
nānārogādiduḥkhādrudanaparavaśaḥ śaṅkaraṃ na smarāmi
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 2 ॥
3
prauḍho'haṃ yauvanastho viṣayaviṣadharaiḥ pañcabhirmarmasandhau
daṣṭo naṣṭo vivekaḥ sutadhanayuvatīsvādusaukhye nimagnaḥ ।
śaivīcintāvihīnaṃ mama hṛdayamaho mānagarvādhirūḍhaṃ
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 3 ॥
4
vārdhakye cendriyāṇāṃ vigatagatamatiścādhidaivāditāpaiḥ
pāpai rogairviyogaistvanavasitavapuḥ prauḍhahīnaṃ ca dīnam ।
mithyāmohābhilāṣairbhramati mama mano dhūrjaṭerdhyānaśūnyaṃ
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 4 ॥
5
no śakyaṃ smārtakarma pratipadagahanapratyavāyākulākhyaṃ
śraute vārtā kathaṃ me dvijakulavihite brahmamārge sudūre ।
nāstho dharme vicāraḥ śravaṇamananayoḥ kiṃ nididhyāsitavyaṃ
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 5 ॥
6
snātvā pratyūṣakāle snapanavidhividhau nāhṛtaṃ gāṅgatoyaṃ
pūjārthaṃ nopanītā kuvalayakusumairbilvapatrāvalī vā ।
nānītā padmamālā sarasi vikasitā gandhadhūpau na dattau
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 6 ॥
7
dugdhairmadhvājadirtyyutairdadhisahitasitaiśrcāpi na snāpito'si
no liptaścandanādyaiḥ kanakaviracitairbhūṣito na pravālaiḥ ।
dhūpaiḥ karpūradīpairvividharasayutairnaiva bhakṣyaiśca tuṣṭaḥ
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 7 ॥
8
dhyātvā citte śivākhyaṃ pracurataradhanaṃ naiva dattaṃ dvijebhyo
havyaṃ te lakṣasaṅkhyairhutavahavadane nārpitaṃ bījamantraiḥ ।
no taptaṃ gāṅgatire vratajapaniyamai rudrajāpyairna vedaiḥ
tatsarvaṃ kṣamyatāṃ me jaya jaya karuṇābdhe śrīmahādeva śambho ॥ 8 ॥
9
nagno niḥsaṅgaśuddhastriguṇavirahito dhvastamohāndhakāro
nāsāgre nyastadṛṣṭirviditabhavaguṇo naiva dṛṣṭaḥ kadācit ।
unmanyā'vasthayā tvāṃ vigatakalimalaṃ śaṅkaraṃ na prapanna-
statsarvaṃ kṣamyatāṃ me jaya jaya karuṇābdhe śrīmahādeva śambho ॥ 9 ॥
10
karacaraṇakṛtaṃ vākkāyajaṃ karmajaṃ vā
śravaṇanayanajaṃ vā mānasaṃ vāparādham ।
vihitamavihitaṃ vā sarvametatkṣamasva
jaya jaya karuṇābdhe śrīmahādeva śambho ॥ 10 ॥
॥ iti śrīmacchaṅkarācāryaviracitaṃ śivāparādhakṣamāpaṇastotraṃ sampūrṇam ॥
