1Current Verse · ప్రస్తుతం పారాయణ
prabhuṃ prāṇanāthaṃ vibhuṃ viśvanāthaṃ
jagannāthanāthaṃ sadānandabhājam ।
bhavadbhavyabhūteśvaraṃ bhūtanāthaṃ
śivaṃ śaṅkaraṃ śambhumīśānamīḍe ॥ 1 ॥
2
gale ruṇḍamālaṃ tanau sarpajālaṃ
mahākālakālaṃ gaṇeśādhilālam ।
jaṭājūṭagaṅgottarīyaṃ viśālaṃ
śivaṃ śaṅkaraṃ śambhumīśānamīḍe ॥ 2 ॥
3
mudāmākaraṃ maṇḍanaṃ maṇḍayantaṃ
mahāmaṇḍalaṃ bhasmabhūṣādharaṃ tam ।
anaṅgāṅgamaṅgaṃ bhajanto bhajante
śivaṃ śaṅkaraṃ śambhumīśānamīḍe ॥ 3 ॥
4
śmaśāne bhramantaṃ harantaṃ prapañcaṃ
naṭantaṃ mahantaṃ vijānantamantaḥ ।
svabhaktānumantaṃ suśāntaṃ vareṇyaṃ
śivaṃ śaṅkaraṃ śambhumīśānamīḍe ॥ 4 ॥
5
tapoyogagamyaṃ surāṇāṃ śaraṇyaṃ
ṛṣīṇāṃ munīnāṃ manomandirastham ।
ajaṃ sarvagaṃ sarvabhūtapradaṃ taṃ
śivaṃ śaṅkaraṃ śambhumīśānamīḍe ॥ 5 ॥
6
viṣādaṃ vidhūya svayaṃ viśvanātho
bhavāmbhodhipotaṃ samāsādya nūnam ।
vimuktiṃ dadātīti vedāntasiddhaṃ
śivaṃ śaṅkaraṃ śambhumīśānamīḍe ॥ 6 ॥
7
na bhūmirna toyaṃ na tejo na vāyuḥ
na cākāśamāste na tandrā na nidrā ।
na coṣṇaṃ na śītaṃ na deśo na veṣo
śivaṃ śaṅkaraṃ śambhumīśānamīḍe ॥ 7 ॥
8
ajaṃ śāśvataṃ kāraṇaṃ kāraṇānāṃ
śivaṃ kevalaṃ bhāsakaṃ bhāsakānām ।
turīyaṃ tamaḥpāramānandamīḍyaṃ
śivaṃ śaṅkaraṃ śambhumīśānamīḍe ॥ 8 ॥
9
śivāṣṭakamidaṃ puṇyaṃ yaḥ paṭhecchivasannidhau ।
śivalokamavāpnoti śivena saha modate ॥ 9 ॥
॥ iti śrīmacchaṅkarācāryaviracitaṃ śivāṣṭakaṃ sampūrṇam ॥
