1Current Verse · ప్రస్తుతం పారాయణ
namo'stu sūryāya sahasraraśmaye
sahasraśākhānvitasambhavātmane ।
sahasrayogodbhavabhāvabhāgine
sahasrasaṃkhyāyatanodhatāya ca ॥ 1 ॥
2
yanmaṇḍalaṃ dīptikaraṃ viśālaṃ
ratnaprabhaṃ tīvramanādirūpam ।
dāridryaduḥkhakṣayakāraṇaṃ ca
punātu māṃ tatsaviturvareṇyam ॥ 2 ॥
3
yanmaṇḍalaṃ devagaṇaiḥ supūjitaṃ
vipraiḥ stutaṃ bhāvanamuktikovidam ।
taṃ devadevaṃ praṇamāmi bhānuṃ
punātu māṃ tatsaviturvareṇyam ॥ 3 ॥
4
yanmaṇḍalaṃ jñānaghanaṃ tvagamyaṃ
trailokyapūjyaṃ triguṇātmarūpam ।
samastatejomayamugrarūpaṃ
punātu māṃ tatsaviturvareṇyam ॥ 4 ॥
5
yanmaṇḍalaṃ gūḍhamatiprabodhaṃ
dharmasya vṛddhiṃ kurute janānām ।
yatsarvapāpakṣayakāraṇaṃ ca
punātu māṃ tatsaviturvareṇyam ॥ 5 ॥
6
yanmaṇḍalaṃ vyādhivināśadakṣaṃ
yadṛgyajuḥsāmasu saṃpragītam ।
prakāśitaṃ yena ca bhūrbhuvaḥ svaḥ
punātu māṃ tatsaviturvareṇyam ॥ 6 ॥
7
yanmaṇḍalaṃ vedavido vadanti
gāyanti yaccāraṇasiddhasaṅghāḥ ।
yadyogino yogajuṣāṃ ca sevyaṃ
punātu māṃ tatsaviturvareṇyam ॥ 7 ॥
8
yanmaṇḍalaṃ sarvajaneṣu pūjitaṃ
jyotiśca kuryādiha jīvaloke ।
yatkālakālādyamanādirūpaṃ
punātu māṃ tatsaviturvareṇyam ॥ 8 ॥
9
yanmaṇḍalaṃ sarvagatasya viṣṇoḥ
prāṇātmakaṃ sarvaśarīrasaṃstham ।
tejomayaṃ sarvaphalapradaṃ ca
punātu māṃ tatsaviturvareṇyam ॥ 9 ॥
10
yanmaṇḍalaṃ brahmavido vadanti
saṃsāranāśaikasukhasya hetum ।
taṃ sarvavedāntavidāṃ śaraṇyaṃ
punātu māṃ tatsaviturvareṇyam ॥ 10 ॥
11
maṇḍalāṣṭakamidaṃ puṇyaṃ yaḥ paṭhetsatataṃ naraḥ ।
sarvapāpaviśuddhātmā sūryaloke mahīyate ॥ 11 ॥
॥ iti śrībhaviṣyapurāṇe sūryamaṇḍalastotraṃ sampūrṇam ॥
