1Current Verse · ప్రస్తుతం పారాయణ
ādideva namastubhyaṃ prasīda mama bhāskara ।
divākara namastubhyaṃ prabhākara namo'stu te ॥ 1 ॥
2
saptāśvarathamārūḍhaṃ pracaṇḍaṃ kaśyapātmajam ।
śvetapadmadharaṃ devaṃ taṃ sūryaṃ praṇamāmyaham ॥ 2 ॥
3
lohitaṃ rathamārūḍhaṃ sarvalokapitāmaham ।
mahāpāpaharaṃ devaṃ taṃ sūryaṃ praṇamāmyaham ॥ 3 ॥
4
traiguṇyaṃ ca mahāśūraṃ brahmaviṣṇumaheśvaram ।
mahāpāpaharaṃ devaṃ taṃ sūryaṃ praṇamāmyaham ॥ 4 ॥
5
bṛṃhitaṃ tejasāṃ puñjaṃ vāyumākāśameva ca ।
prabhuṃ ca sarvalokānāṃ taṃ sūryaṃ praṇamāmyaham ॥ 5 ॥
6
bandhūkapuṣpasaṅkāśaṃ hārakuṇḍalamaṇḍitam ।
ekacakradharaṃ devaṃ taṃ sūryaṃ praṇamāmyaham ॥ 6 ॥
7
taṃ sūryaṃ jagatkartāraṃ mahātejaḥpradīpanam ।
mahāpāpaharaṃ devaṃ taṃ sūryaṃ praṇamāmyaham ॥ 7 ॥
8
taṃ sūryaṃ jagatāṃ nāthaṃ jñānavijñānamokṣadam ।
mahāpāpaharaṃ devaṃ taṃ sūryaṃ praṇamāmyaham ॥ 8 ॥
9
sūryāṣṭakaṃ paṭhennityaṃ gṛhapīḍa़āpraṇāśanam ।
aputro labhate putraṃ daridro dhanavān bhavet ॥ 9 ॥
॥ iti śrīsāmbapurāṇe sūryāṣṭakaṃ sampūrṇam ॥
