1Current Verse · ప్రస్తుతం పారాయణ
japākusumasaṃkāśaṃ kāśyapeyaṃ mahādyutim ।
tamo'riṃ sarvapāpaghnaṃ praṇato'smi divākaram ॥ 1 ॥
2
dadhiśaṅkhatuṣārābhaṃ kṣīrodārṇavasambhavam ।
namāmi śaśinaṃ somaṃ śambhormukuṭabhūṣaṇam ॥ 2 ॥
3
dharaṇīgarbhasambhūtaṃ vidyutkāntisamaprabham ।
kumāraṃ śaktihastaṃ ca maṅgalaṃ praṇamāmyaham ॥ 3 ॥
4
priyaṅgukalikāśyāmaṃ rūpeṇāpratimaṃ budham ।
saumyaṃ saumyaguṇopetaṃ taṃ budhaṃ praṇamāmyaham ॥ 4 ॥
5
devānāṃ ca ṛṣīṇāṃ ca guruṃ kāñcanasannibham ।
buddhibhūtaṃ trilokeśaṃ taṃ namāmi bṛhaspatim ॥ 5 ॥
6
himakundamṛṇālābhaṃ daityānāṃ paramaṃ gurum ।
sarvaśāstrapravaktāraṃ bhārgavaṃ praṇamāmyaham ॥ 6 ॥
7
nīlāñjanasamābhāsaṃ raviputraṃ yamāgrajam ।
chāyāmārtaṇḍasambhūtaṃ taṃ namāmi śanaiścaram ॥ 7 ॥
8
ardhakāyaṃ mahāvīryaṃ candrādityavimardanam ।
siṃhikāgarbhasambhūtaṃ taṃ rāhuṃ praṇamāmyaham ॥ 8 ॥
9
palāśapuṣpasaṅkāśaṃ tārakāgrahamastakam ।
raudraṃ raudrātmakaṃ ghoraṃ taṃ ketuṃ praṇamāmyaham ॥ 9 ॥
10
iti vyāsamukhodgītaṃ yaḥ paṭhetsusamāhitaḥ ।
divā vā yadi vā rātrau vighnaśāntirbhaviṣyati ॥ 10 ॥
॥ iti śrīvedavyāsapraṇītaṃ navagrahastotraṃ sampūrṇam ॥
