1Current Verse · ప్రస్తుతం పారాయణ
namaḥ kṛṣṇāya nīlāya śitikaṇṭhanibhāya ca ।
namaḥ kālāgnirūpāya kṛtāntāya ca vai namaḥ ॥ 1 ॥
2
namo nirmāṃsadehāya dīrghaśmaśrujaṭāya ca ।
namo viśālanetrāya śuṣkodara bhayākṛte ॥ 2 ॥
3
namaḥ puṣkalagātrāya sthūlaromṇe'tha vai namaḥ ।
namo dīrghāya śuṣkāya kāladaṃṣṭra namo'stu te ॥ 3 ॥
4
namaste koṭarākṣāya durnirīkṣyāya vai namaḥ ।
namo ghorāya raudrāya bhīṣaṇāya kapāline ॥ 4 ॥
5
namaste sarvabhakṣāya balīmukha namo'stu te ।
sūryaputra namaste'stu bhāskare'bhayadaprada ॥ 5 ॥
6
adhodṛṣṭe namaste'stu saṃvartaka namo'stu te ।
namo mandagate tubhyaṃ nistriṃśāya namo'stu te ॥ 6 ॥
7
tapasā dagdhadehāya nityaṃ yogaratāya ca ।
namo nityaṃ kṣudhārtāya atṛptāya ca vai namaḥ ॥ 7 ॥
8
jñānacakṣurnamaste'stu kaśyapāṅgajasūnave ।
tuṣṭo dadāsi vai rājyaṃ ruṣṭo harasi tatkṣaṇāt ॥ 8 ॥
9
devāsuramanuṣyāśca siddhavidyādharoragāḥ ।
tvayā vilokitāḥ sarve nāśaṃ yānti samūlataḥ ॥ 9 ॥
10
prasādaṃ kuru me deva varārho'hamūpāgataḥ ।
evaṃ stutastadā saurirgraharājo mahābalaḥ ॥ 10 ॥
॥ iti śrīpadmapurāṇe daśarathakṛta śanaiścara stotraṃ sampūrṇam ॥
