1Current Verse · ప్రస్తుతం పారాయణ
candraśekhara candraśekhara candraśekhara pāhi mām ।
candraśekhara candraśekhara candraśekhara rakṣa mām ॥ 1 ॥
2
ratnasānuśarāsanaṃ rajatādriśṛṅganiketanaṃ śiñjinīkṛtapannageśvaramacyutānalasāyakam ।
kṣipradagdhapuratrayaṃ tridaśālayairabhivanditaṃ candraśekharamāśraye mama kiṃ kariṣyati vai yamaḥ ॥ 2 ॥
3
pañcapādapapuṣpagandhapadāmbujadvayaśobhitaṃ bhālalocanajātapāvakadagdhamanmathavigraham ।
bhasmadigdhakalevaraṃ bhavanāśanaṃ bhavamavyayaṃ candraśekharamāśraye mama kiṃ kariṣyati vai yamaḥ ॥ 3 ॥
4
mattavāraṇamukhyacarmakṛtottarīyamanoharaṃ paṅkajāsanapadmalocanapūjitāṅghrisaroruham ।
padmabhūṣaṇabhāsitaṃ bhavaroganāśanamauṣadhaṃ candraśekharamāśraye mama kiṃ kariṣyati vai yamaḥ ॥ 4 ॥
5
yakṣarājasakhaṃ bhagākṣaharaṃ bhujaṅgavibhūṣaṇaṃ śailarājasutāpariṣkṛtacāruvāmakalevaram ।
kṣvelanīlagalaṃ paraśvadhadhāriṇaṃ mṛgadhāriṇaṃ candraśekharamāśraye mama kiṃ kariṣyati vai yamaḥ ॥ 5 ॥
6
viśvasṛṣṭividhāyinaṃ punareva pālanatatparaṃ saṃharantamaśeṣaviśvamadhaḥkṛtakṣitibhṛtsutam ।
sarvalokapatiṃ parātparamaprameyamanūpamaṃ candraśekharamāśraye mama kiṃ kariṣyati vai yamaḥ ॥ 6 ॥
7
bhaktavatsalamarcitākhiladuḥkhanāśanatatparaṃ muktidaṃ bhavabhītihāriṇamīśamavyayamavyayam ।
mandakinnaragītadivyacaritramadbhutavikramaṃ candraśekharamāśraye mama kiṃ kariṣyati vai yamaḥ ॥ 7 ॥
8
mṛtyubhītinivāraṇaṃ sakalepsitārthaphalapradaṃ candraśekharakīrtanaṃ labhate naro'tra sudurlabham ।
saṅkaṭāpahamuttamaṃ śivasannidhau varamāpnuyāt candraśekharamāśraye mama kiṃ kariṣyati vai yamaḥ ॥ 8 ॥
