1Current Verse · ప్రస్తుతం పారాయణ
cāmpeyagaurārdhaśarīrakāyai karpūragaurārdhaśarīrakāya ।
dhammillakāyai ca jaṭādharāya namaḥ śivāyai ca namaḥ śivāya ॥ 1 ॥
2
kastūrikākuṅkumacarcitāyai citārajaḥpuñjavilepanāya ।
kṛtasmarāyai vikṛtasmarāya namaḥ śivāyai ca namaḥ śivāya ॥ 2 ॥
3
calatkvaṇatkaṅkaṇanūpurāyai pādāṅgadālaṅkṛtanūpurāya ।
śailendrakanyāyai vṛṣadhvajāya namaḥ śivāyai ca namaḥ śivāya ॥ 3 ॥
4
mandāramālākalitālakāyai kapālamālāṅkitakandharāya ।
divyāmbarāyai ca digambarāya namaḥ śivāyai ca namaḥ śivāya ॥ 4 ॥
5
praphullanīlotpalalocanāyai vikāsipaṅkeruhalocanāya ।
samekṣaṇāyai viṣamekṣaṇāya namaḥ śivāyai ca namaḥ śivāya ॥ 5 ॥
6
kṣīrapradārdhapramadākarāyai pinākahastāya maheśvarāya ।
jagatprasūtyai jagadekapitre namaḥ śivāyai ca namaḥ śivāya ॥ 6 ॥
7
mandārapuṣpairbahupūjitāyai dhattūrapuṣpaiḥ supūjitāya ।
sarveśvarāyai bhuvaneśvarāya namaḥ śivāyai ca namaḥ śivāya ॥ 7 ॥
8
etat paṭhedaṣṭakamiṣṭadaṃ yo bhaktyā sa dīrghāyuravāpnuyād vai ।
ārogyamaiśvaryamaśeṣasiddhiṃ saukhyaṃ labhet śaṅkaralokapūjyaḥ ॥ 8 ॥
