1Current Verse · ప్రస్తుతం పారాయణ
brahmamurārisurārcitaliṅgaṃ nirmalabhāsitaśobhitaliṅgam ।
janmajaduḥkhavināśakaliṅgaṃ tat praṇamāmi sadāśivaliṅgam ॥ 1 ॥
2
devamunipravarārcitaliṅgaṃ kāmadahaṃ karuṇākaraliṅgam ।
rāvaṇadarpavināśanaliṅgaṃ tat praṇamāmi sadāśivaliṅgam ॥ 2 ॥
3
sarvasugandhisulepitaliṅgaṃ buddhivivardhanakāraṇaliṅgam ।
siddhasurāsuravanditaliṅgaṃ tat praṇamāmi sadāśivaliṅgam ॥ 3 ॥
4
kanakamahāmaṇibhūṣitaliṅgaṃ phaṇipativeṣṭitaśobhitaliṅgam ।
dakṣasuyajñavināśanaliṅgaṃ tat praṇamāmi sadāśivaliṅgam ॥ 4 ॥
5
kuṅkumacandanalepitaliṅgaṃ paṅkajahārasuśobhitaliṅgam ।
sañcitapāpavināśanaliṅgaṃ tat praṇamāmi sadāśivaliṅgam ॥ 5 ॥
6
devagaṇārcitasevitaliṅgaṃ bhāvairbhaktibhireva ca liṅgam ।
dinakarakoṭiprabhākaraliṅgaṃ tat praṇamāmi sadāśivaliṅgam ॥ 6 ॥
7
aṣṭadalopariveṣṭitaliṅgaṃ sarvasamudbhavakāraṇaliṅgam ।
aṣṭadaridravināśanaliṅgaṃ tat praṇamāmi sadāśivaliṅgam ॥ 7 ॥
8
suragurusuravarapūjitaliṅgaṃ suravanapuṣpasadārcitaliṅgam ।
parātparaṃ paramātmakaliṅgaṃ tat praṇamāmi sadāśivaliṅgam ॥ 8 ॥
9
liṅgāṣṭakamidaṃ puṇyaṃ yaḥ paṭhecchivasannidhau ।
śivalokamavāpnoti śivena saha modate ॥
