1Current Verse · ప్రస్తుతం పారాయణ
prātaḥ smarāmi gaṇanāthamanāthabandhuṃ sindūrapūrapariśobhitagaṇḍayugmam ।
uddaṇḍavighnaparikhaṇḍanacaṇḍadaṇḍaṃ āmodameduratanuṃ madamandahāsam ॥ 1 ॥
2
prātarnamāmi caturānanavandyamānaṃ icchānukūlamakhilaṃ ca varaṃ dadānam ।
taṃ tundilaṃ dvirasanādhipayajñasūtraṃ putraṃ vilāsacaturaṃ śivayoḥ śivāya ॥ 2 ॥
3
prātarbhajāmyabhayadaṃ khalu bhaktaśokadāvānalaṃ gaṇavibhuṃ varadaṃ viśālam ।
ajñānakānanavināśanahavyavāhaṃ utsāhavardhanamahaṃ satataṃ smarāmi ॥ 3 ॥
4
ślokatrayamidaṃ puṇyaṃ sadā sāmrājyadāyakam ।
prātarutthāya satataṃ yaḥ paṭhet prayataḥ pumān ॥ 4 ॥
