1Current Verse · ప్రస్తుతం పారాయణ
ekadantaṃ mahākāyaṃ taptakāñcanasannibham ।
lambodaraṃ viśālākṣaṃ vande'haṃ gaṇanāyakam ॥ 1 ॥
2
mauñjīkṛṣṇājinadharaṃ nāgayajñopavītinam ।
bālenduvilasadbhālaṃ vande'haṃ gaṇanāyakam ॥ 2 ॥
3
citraratnavicitrāṅgaṃ citramālāvibhūṣitam ।
kāmarūpadharaṃ devaṃ vande'haṃ gaṇanāyakam ॥ 3 ॥
4
gajavaktraṃ suraśreṣṭhaṃ karṇacāmarabhūṣitam ।
pāśāṅkuśadharaṃ devaṃ vande'haṃ gaṇanāyakam ॥ 4 ॥
5
mūṣikadhvajamārūḍhaṃ hemaratnavibhūṣitam ।
modakapriyamānandaṃ vande'haṃ gaṇanāyakam ॥ 5 ॥
6
raktavastraṃ prasannavaktraṃ raktagandhānulepanam ।
raktapuṣpaiḥ supūjitaṃ vande'haṃ gaṇanāyakam ॥ 6 ॥
7
sarvavighnaharaṃ śāntaṃ sarvakāmaphalapradam ।
sarvasiddhipradaṃ nityaṃ vande'haṃ gaṇanāyakam ॥ 7 ॥
8
gaṇādhipaṃ namaskṛtya sarvakāryeṣu sarvadā ।
nirvighnaṃ kuru me deva vande'haṃ gaṇanāyakam ॥ 8 ॥
9
gaṇanāyakāṣṭakaṃ puṇyaṃ yaḥ paṭhet prayataḥ śuciḥ ।
sarvapāpavinirmukto gaṇeśapadamāpnuyāt ॥ 9 ॥
